Cerita Cekak Lucu Basa Jawa: Nalika Mobil Kuncine Kembar

Sakwise pembagian bonus akhir tahun, Ima tuku mobil MPV seri terbaru yen miturut dheweke body ngarepe apik banget memper kaya Camry. Suwijining dina pas wektu istirahat kantor, Ima lunga metu golek barang-barang kebutuhan bulanan ning swalayan. Ndilalahe pas parkir ning ngarep swalayan, wis ana mobil liya sing padha persis jenise di parkir ning jejere mobile Ima.  Dadine mobil loro werna abu-abu kuwi jejer ning parkiran.

Sakwise rampung belanja Ima balik meneh ning mobil. Dithokake kunci mobil, dibukak lawange, banjur Ima mlebu ning mobile. Wasan ning njero mobil, Ima kaget amarga isi mobile kok beda. Iki mesthi mobile wong liya sing diparkir jejer dheweke. Wah gawat iki! Mosok kunci mobile Ima iso dinggo mbukak mobile wong liya!. Enggal-enggal Ima ngethokke handphone lan protes marang dealer sing dodol mobil.

Ima:
Piye tho Pak Quality Control panjenengan menika? Kok kunci mobilku isa dinggo mbukak mobile wong liya?

Dealer:
Ah mosok mbak? Wiwit jaman pithik durung kathokan kunci mobil ki ya mung iso dinggo mbukak siji mobil thok, ora iso dinggo mobil liyane!

Ima:
Lha iki buktine! Aku saiki iso mlebu mobile wong liya. Padahal aku ki dudu tukang sulap loh! 

Dealer:
Okey Mbak! Tunggu disik yah. Sedilit mengkas teknisi teka mbrono ngecek mobile Mbak Ima

Ima:

Cepet ya Pak! Yen sak kunci iso dinggo bukak mobil liya rakyo bahaya tho! Mobilku iso kleru karo mobile wong liya!

Dealer:

Iya Mbak. Teknisi wis meluncur menuju lokasi.

Sakwise sauntara waktu sing nduwe mobil wis rampung belanja lan marani mobile. Dheweke kaget weruh ana Ima ning njero mobile. Ima banjur nerangake menawa dheweke salah mlebu mobil amarga kuncine ora spesifik, iso dinggo bukak mobil liyane. Ima ngajak sing nduwe mobil bareng-bareng protes karo teknisi sing arep mara mbrene.

Ima:

Dadi ngoten ceritane pak. Kuncine panjenengan kalian kunci kula sajake sami. Mangke awake dhewe kudu bareng-bareng komplain marang Dealere njih!

Sing nduwe mobil malah ngguyu kemekelen banjur celathu:

Heuheuheu... Mbak Mbaaak! Lah mesthi wae mbake iso mlebu mobilku wong ora tak kunci je. Soale anakku lingguh ning jok mburi lagi maca komik. Lha niku bocahe sakmenika ngadek... 

Dumadakan ning jok mburi njedul cah cilik sing ngguyu mringis lan ngruruhi Ima:

Halo Mbak Cantik. Sorry njih, aku mau lagi asyik maca komik dadi mboten weruh Mbake mlebu mobil.

Ima:

Gubrakkkkk!!

(Undil-2012)

TERJEMAHAN CERITA LUCU: TRAGEDI KUNCI MOBIL SAMA

Habis pembagian bonus akhir tahun dari perusahaan, Ima beli mobil jenis MPV seri terbaru yang menurut dia moncongnya mirip-mirip Camry kerennya. Alkisah suatu hari saat istirahat, Ima keluar kantor untuk beli beberapa barang di salah satu swalayan. Kebetulan saat dia parkir di dekatnya telah terparkir pula mobil lain yang sama persis seri dan warnanya. Maka berjejerlah dua mobil warna abu-abu itu di tempat parkir.

Lima menit kemudian Ima telah selesai belanja dan kembali ke mobilnya. Dikeluarkannya kunci mobil dan masuklah dia ke dalam mobil. Sesaat setelah berada dalam mobil, sadarlah dia bahwa dirinya telah salah masuk mobil. Aksesoriesnya beda banget! Wangi parfumnya juga beda. Pastilah ini mobil  orang  lain, sedang mobil milik  Ima sendiri ada di sebelah. Buru-buru Ima mengeluarkan handphone dan  meluncurlah serangkaian protes pada marketing dari dealer yang menjual mobil itu.

Ima:

Pak, gimana siy Quality Control perusahaan anda? Kok kunci saya bisa untuk buka pintu mobil milik orang lain?

Dealer:

Ah, masa Mbak. Seharusnya kunci mobil Mbak tidak bisa dipergunakan untuk buka mobil lainnya Mbak!

Ima:

Lho ini buktinya!. Sekarang saya berada di dalam mobil milik orang lain! Gimana bisa terjadi secara saya bukan tukang sulap?

Dealer:

Mbak Ima, tunggu sebentar yah. Kami akan mengirimkan teknisi ke tempat Mbak untuk mengecek laporan Mbak!

Ima:

Cepetan yah Pak!. Kalo satu kunci bisa untuk buka banyak mobil kan berabe! Mobil saya jadi tidak aman lagi dung! Bisa tertukar atau dicuri orang! Pak jangan pake lama yah!  Keburu yang punya mobil pergi dari swalayan ini!

Dealer:

Baik  Mbak, barusan teknisi kami sudah meluncur ke lokasi Mbak.

Sejenak kemudian muncullah pemilik mobil asli di depan Ima. Dia nampak terkejut melihat ada orang lain di dalam mobilnya. Buru-buru Ima menjelaskan apa yang telah terjadi. Dia bermaksud mengajak orang itu untuk bersama-sama komplain pada orang dari dealer yang akan datang ke tempat itu.

Ima:

Ceritanya gitu Pak. Kunci kita sama, jadi saya salah masuk mobil Bapak. Nanti kita sama-sama komplain keras pada dealer mobil ini yah Pak!

Orang itu malahan tertawa ngakak lalu berkata:

Heuheuheu......Mbak Mbaaaak!.  Mbak bisa masuk mobil ini karena emang tidak saya kunci. Anak saya ada di jok belakang lagi baca komik!  Tuh tuh anaknya sekarang berdiri...

Dari jok belakang tiba-tiba nongol anak kecil yang ketawa nyengir dan menyapa:

"Halo Tante cantiiik, Sorry yah tadi aku lagi asyik baca komik jadi gak liat Tante masuk mobil"

Ima:

*Gubrak*

tags:  cerita lucu bahasa jawa, cerita lucu basa jawa, blog bahasa jawa, cerita cekak lucu, cerkak, cerkak lucu

Cerita Lucu Bahasa Jawa: Pitik Mogok Mangan

Bar nganakke pengajian Mbak Dewi ngresiki ruang tamu karo njukuki turah-turahan suguhan sing ora dipangan karo tamune. Salah suwijining panganan yaiku lumpia sajake wis rada lawas. Lumpia iku akeh sing kur dicokot sithik karo tamune, ora dienthekake. Mbak Dewi ngambu lumpia kuwi, banjur celathu menawa lumpiane wis rada banger. Apike dipakakke pithik wae. Ndilalahe pithike Mbak Dewi krungu omongan iku banjur grenengan marang kancane  

Pithik Blorok:  

Wah lumpia sing wis mambu kae mesthi dipakakke aku

Pithik Putih:

Loh njuk ngapa tho?

Pithik Blorok:

Awake dhewe wiwit mbiyen dipakani sing mambu-mambu terus, ora tau sing enak-enak. Mbok pisan-pisan ora sah dienteni mambu!.  Makani barang apik ora iso popiye?

Pithik Putih:

Hooh bener Blo!. Awake dhewe kur diwenehi turah-turahan. Nek ngono mengko ethok-ethok ora doyan mangan wae po?

Pithik Blorok:

Bener Put!. Engko nek diwenehi lumpia dieker-eker wae rasah dipangan.

^_^

Wasan rampung ngresiki ruang tamu, Mbak Dewi njukuk lumpia  sak gegem,  diuncalke ning lemah ben dipangan pithike.  Ananging pithik loro kuwi malah kur ngeker-eker lumpia nganthek sumebar tekan ngendi-endi.  Babar pisan ora gelem mangan.

Weruh pithike ora doyan lumpia, Mbak Dewi  banjur njukuk sega mambu ning pawon. Segane dilebokake ning trempolong ben dipangan pithike. Nanging pithike malah kur nendang-nendang trempolong nganthek segane tumplak. Mbak Dewi bingung, apa sebape pithike ora gelem mangan?.  

Untunge dheweke kelingan nduwe roti tawar lawas sing wis njamur.  Mbok menawa pithike doyan roti. Rotine dijukuk ning nduwur meja, banjur dioncalke ning ngarepe pithike. Ternyata padha wae nasibe karo lumpia banger lan sega mambu. Roti jamuran iku blas ora dipangan karo pithike. Malah ditendang-tendang ngantek kontal ning ndalan. Mbak Dewi kaget marang pokale pithike.

Dumadakan Adhine Mbak Dewi metu saka omah karo nuntun Ponakane sing melet-melet kepedesen merga mangan arem-arem.  “Kowe ki durung doyan pedes Le, wis dilepeh wae arem-areme” celathune marang Ponakane.  Weruh adhine metu saka omah, Mbak Dewi banjur cerita menawa pithike dho ora doyan mangan.

Adhine:

Wooo, sajake pithikmu padha gering ki, saiki lagi musim Penyakit Tetelo loh!

Mbak Dewi:

Wooo ngono tho, nek ngono digolekke obat apa ya?

Adhine:

Rasah diobati. Dibeleh wae. Soale mengko malah nulari kanca-kancane.

Pithik Blorok kaget banget  krungu usulan dheweke dibeleh wae.  Blorok tambah kaget wasan weruh Pithik Putih ujuk-ujuk notholi lepehan arem-arem.

Pithik Blorok:

Kowe ki piye tho ? Awake dhewe wis nolak mangan sega, kok malah trima mangan lepehan arem-arem ki piye. Rak yo luwih njijiki tho?.

Pithik Putih:

Timbangane dibeleh, aku milih mangan lepehan arem-arem wae.  Ben kowe wae sing ora doyan mangan luwih pantes dibeleh...

Pithik Blorok:

Enak wae.  Aku ya ora gelem dibeleh ki.....  (Pithik Blorok banjur cepet-cepet melu notholi lepehan arem-arem karo mripate merem amarga jijik)

Pithik loro kuwi rebutan ngentekke lepehan  arem-arem.  Mbak Dewi lan Adhine dadi gumun. Pithik sing mau ora doyan lumpia, sega lan roti kok saiki malah rebutan lepehan arem-arem. Lucu tenan pithik jaman saiki (Undil-2012). 

gambar karya Pablo Picasso diambil dari: http://cdn2.all-art.org

Cerita Lucu Bahasa Jawa: Kopi Kucing by Undil

Suwijining ndino Setro Mino mertamu ning ngomahe Setro Njingik.

Dheweke disuguhi kopi karo Setro Njingik. Sajake kopine enak tenan,

soale Setro Njingik muja-muji ngalembana marang kopi sing disuguhake.

Setro Mino banjur nyruput kopi amarga penasaran marang rasane.

Setro Mino:

Iki kopi apa tho kok rasane rada kecut?

Setro Njingik:

Kuwi kopi istimewa, meh padha karo kopi luwak sing larang kae

Setro Mino:

Woo ngono tho, kopi apa jenenge?

Setro Njingik :

Kopi kucing, aku gawe dhewe

Setro Mino:

Gaweanmu dhewe tho, apa sebape diarani kopi kucing?

Setro Njingik:

Sebape diolah lewat kucing. Yen kopi luwak kopine dipangan luwak ndisik sakdurungne diolah, kopi kucing dipangan kucing sakdurunge diolah dadi kopi bubuk. Aku pancen terinspirasi kopi luwak, ning ben gampang aku nanggo kucing wae.

Setro Mino:

Kucing doyan kopi pa?

Setro Njingik:

Ya ora no. Kopine tak gerus rada kasar, trus tak campur ikan asin, bar kuwi lagi tak pakakke kucing.

Setro Mino (wetenge mulai mules) :

Terus...

Setro Njingik:

Mengko yen wis metu bareng kotoran kucing banjur gerusan kopi disaring, dikumbah, dipepe nganti garing banjur digiling meneh nganti alus. Lha iki sampeyan sing pisanan nyoba kopi kucing loh, wong rong tau ana sing tak suguhi kopi kucing. Aku dhewe arep ngrasakke ora tegel je. Piye Kang, enak ora rasane?

Setro Mino:

Hoeeeeeekkkk! Hoeeeekkkkk! (Undil - 2012)

gambar diolah dari : www.lonvig.dk

Cerita lucu lain:
Pitik Mogok Mangan
Bakso Bangjo lan Kucing Klawu
tags: blog bahasa jawa, cerita bahasa jawa, cerita lucu basa jawa

Cerita Pendek Bahasa Jawa: Andong lan Laler Cilik

Jaman mbiyen ana andong nggawa momotan jambu kluthuk lagi mlaku saka Selarong arep menyang Pasar Bantul. Jaman iku dalane isih gronjal-gronjal digawe saka watu durung ana aspal. Nalika andong lagi liwat dalan sing kebak wedi, ana laler cilik mencok ning nduwure andong. Bareng karo mencoke laler, lakune andong malik rindik. Ora amarga kabotan laler, nanging amarga rodane kepater dening wedi sing mbleder ning ndalan.

Nanging rindike andong tumrap laler dianggep amarga kapencokan deweke.
“Wah andong iki dadi mlakune alon-alon, mesti merga jarane kabotan awakku” pikire si laler kanthi ati bungah rumangsa paling abot sak donya.
“Sapa sing iso nandingi abote awakku, ora ana kewan liya sing luwih abot timbang aku!”.

Sakwise sakwetara mencok ning andong, laler banjur jeleh terus mabur meneh. Nalika Laler mabur, andonge pas liwat dalan sing ora ana wedine. Dadi lakune andong malik cepet maneh. Si Laler kang gegeden rumongso tambah yakin menawa deweke abot tenan. “Weladalah, tak tinggal sedilit wae, andonge langsung biso mlaku banter. Wah, nek ngono aku iki abot temenan ya!” celatune si laler.

Laler banjur mikir, manawa deweke mencok ning andong karo ngobahke sewiwine mestine si andong bakal mlaku luwih banter amarga kasurung dening obahe sewiwi. Laler trus nyoba mencok maneh ning andong karo ngobahke sewiwi. Dumadakan andong malik mlayu banter banget ngedap-edapi. Laler kaget banget ngantek awake kontal saka andong. Untunge deweke iso mabur sakdurunge tiba ning lemah.

Sajatine andong mau iso mlayu banter banget amarga dalane ndronjong, Dadi lumrah menawa mlakune luwih banter wong diewangi gravitasi bumi. Nanging lelakon itu agawe Laler dadi tambah ge-er. Trus mbengok-mbengok marang jarane andong.. ‘Sorry, sorry Kang Jaran, aku salah ngukur kekuatanku. Anggonku ngobahke sewiwi sajake kebanteren, dadi andongmu mlakune banter banget. Sorry ya, sesuk maneh anggonku ngobahke sewiwi rindik wae”. celatune Laler kanthi ati mongkok (Undil Okt 09).

bacaan:
Tjrita Pantja Warna oleh S. Har, Penerbit PT. Jaker Jogjakarta


tags: blog bahasa jawa, cerkak, cerita cekak, cerita pendek bahasa jawa, cerkak anak

Cerita Pendek Lucu Bahasa Jawa: Bakso Bangjo lan Kucing Klawu

Suwijining dina Mbak Dewi, yaiku koki sing nduwe warung Bakso Bangjo weruh Kucing Klawu lagi mlaku-mlaku ning ngarep warung baksone. Jalaran si Kucing Klawu kethoke kaliren, kurang mangan, banjur Mbak Dewi inisiatif ngenehi mangan. Dheweke ujuk-ujuk mlayu ning tengah ndalan, nyegat lakune kucing klawu.

“Stop, stop Cing. Mrene-mrene, mampira disik, tak wenehi bakso urat”

Kucing klawu mung meong-meong karo gumun. Kok ana uwong nyegat lakune kur arep ngewenehi pangan. Apa sajak aku kethok kurang pangan ya? Padahal sejatine Kucing Klawu lagi diet.

Jare kanca-kancane awake mulai kelemon. Dadi ya wis wayahe diet. Tur Kucing Klawu ya ngrasakake menawa awake rada angel diajak mlayu. Boro-boro ngoyak tikus, kon ngoyak menthog sing mlakune rindik tur megal-megol we dheweke wis ngos-ngosan marga kabotan awak.

Kucing Klawu mikir-mikir nek arep nolak tawaran bakso urat. Menawa ditolak, gek-gek dheweke dikiro sombong. Umuk, ora gelem mangan panganan sing diwenehke dening uwong. Ya uwislah ora papa, aku tak leren diet sedina wae. Mangan daging bakso sithik rak ya ora papa.

Kucing Klawu terus lingguh karo ngetamul mangan bakso. “Wah jebul rasane ya enak tenan je. Bakso urat iki mesthi sing gawe ya bakat koki. Amarga rasane maknyus banget. Wah, aku pengen mangan meneh ki. Piye ya carane ya?” pikire Kucing Klawu.

Kucing klawu marani keset, terus dicokot-cokot karo diemut pojoke. Karepe dheweke pengen ngethokake menawa isih ngeleh. Nanging Mbak Dewi ora ngerti karepe si kucing. Dikirane si kucing lagi sikatan bar mangan.

“Wah nek arep sikatan aja nganggo keset. Iki tak wenehi kain resik dianggo sikatan” Mbak Dewi ngulungke kain lap resik marang kucing klawu.

Kucing klawu kaget. Loh aku kok malah diwenehi lap tho. Wong pengene mangan bakso je, kok malah diakon sikatan. Wah nek ngono aku arep nyoba cara liyane.

Kucing klawu trus nyedhaki suketan ning ngarep Bakso Bangjo. Dheweke mangani suket, tujuane ben Mbak Dewi ngerti menawa dheweke isih ngeleh. Dicokoti suket trus dipangan, sebagian dilepeh meneh ben kethok nek dheweke mangani suket.

Mbak Dewi kaget. Lho kucinge kok malah mangani suket. Wah iki mesti dheweke pengen sehat terus mangan sayur-sayuran. Wah kucing kang sadar kesehatan ki. Mbak Dewi seneng, terus njukuk slada arep diwenehke kucing klawu.

“Iki loh tak wenehi slada. Nek pengen lalapan ojo mangan suket, mangan slada wae”

Kucing Klawu tambah kaget. Wah aku kudu mangan slada ki. Kepeksa dheweke kremus-kremus mangan slada arepa ora seneng. Wah piye ya ben dheweke ngerti nek aku pengen mangan bakso meneh?

Ndilalahe Kucing Klawu weruh pembantu Bakso Bangjo lagi ngangkat balungan saka njero kuah bakso, arep dibuang. Wah iki! Nek aku ndilati balungan mesti sing duwe bakso ngerti menawa aku isih ngeleh.

Kucing klawu terus ndilati balung bakso sing didelehake ning nduwur godong gedhang. “Wah rasane gurih, enak banget” batine kucing klawu. Dheweke ndilati karo muni meong-meong ben Mbak Dewi weruh nek dheweke isih ngelih.

Nanging Mbak Dewi sing weruh Kucing Klawu ndilati balung malah kaget.
“Wooo la, koweki ngelak tho kok ndilati kuah bakso. Iki loh tak wenehi susu murni” ujare Mbak Dewi karo ngecurke susu ning gelas plastik ben diombe kucing klawu.

Kucing klawu mak jegagik, kaget! Kok malah diwenehi susu?. Dikirane dheweke ngelak terus ndilati kuah bakso sing tememplek ning balung pa?. Wah aku dadi bingung ki. Wis pirang-pirang cara tak lakoni, sing duwe bakso durung ngerti nek aku isih ngelih.

Dumadakan kucing klawu weruh Zea Maysa nangis. Cah cilik sing mbiyen tau ngenehi mangan marang dheweke iku lagi digendong Ibune sing lagi dolan ning Bakso Bangjo. Ibune tanggap terus ngenehi mangan marang Zea Maysa ben tangise meneng.

“Woo lakok gampang carane. Rasah reka-reka, garek nangis wae, Ibune wis langsung ngerti nek pengen mangan” ujare Kucing Klawu.

“Nek ngono aku tak meong-meong wae ben sing nduwe bakso ngerti nek aku isih ngelih”

Kucing klawu banjur meong-meong karo nyundul-nyundul sikile Mbak Dewi. Mesthi wae Mbak Dewi kaget, ning terus ngguyu.

“Woo, kowe ki isih ngeleh tho! Iki tak wenehi bakso urat maneh”

Kucing klawu seneng banget diwenehi bakso urat enak banget. Dheweke terus lingguh ngetamul mangan bakso urat (undil, 01 maret 2009)


tags: blog bahasa jawa, blog basa jawa, cerkak

Cerita Pendek Bahasa Jawa: Romo Wage lan Pak Wagu (2)

Romo Wage (romo = bapak) arep mangkat ning bale deso, kumpul bareng pemuda-pemuda arep domonstrasi mengutuk pembantaian Israel ning jalur Gaza. Rencanane demonstran saka deso-deso sak kecamatan arep demonstrasi bareng ning lapangan ngarep kantor kecamatan. Weruh Romo Wage nggawa gulungan spanduk boikot produk pendukung Israel, Pak Wagu terus nyegat ngajak ngobrol.

Pak Wagu:
Wong sing perang wong liyo kok kowe melu repot tho? Mbok ya uwis rasah melu-melu urusane wong liya?

Romo Wage:

Wela. Palestina iku sedulure awake dewe. Hamas kuwi pemerintah resmi Palestina sing menang pemilu sing demokratis. Rak yo lumrah nek deweke dipilara mungsuh, aku uga melu susah. Melu sedih lan ora trimo tho?

Pak Wagu:
Rak yo salahe dewe. Ora gelem manut karo Israel. Malah nembak nanggo roket barang. Mbok yo manut terus damai wae, rasah nanggo perang-perang barang. Israel rak mung mbales amarga di tembaki tho?

Romo Wage:

Pak Wagu, Pak Wagu!. Mbok ya maca buku sejarah. Israel kuwi wiwit jaman mbiyen yo senengane membantai umat manusia. Dadi ora merga ditembaki. Wong deweke kuwi wong asing sing manggon ning lemahe wong-wong pribumi Palestina. Rak yo ora mungkin ngrebut lemah nanggo cara alus tho?.

Terus Gaza kuwi diblokade Israel, dikepung dening tentara Israel. Kebutuhan sandang, pangan lan obat-obatan dingel-ngel mlebu Gaza. Rak yo lumrah menawa Pemerintahan Hamas mbales nembaki Israel. Wong rakyate dikepung, dipilara dening Israel, digawe angel sandang pangan mosok kon meneng wae ?

Pak Wagu:
Meneng wae.

tags: blog bahasa jawa, blog basa jawa, cerkak

Cerpen Bahasa Jawa: Romo Wage lan Pak Wagu (1)

Suwijing ndina Romo Wage (romo = bapak) sing lagi mulih saka pertemuan arisan Ibu-ibu ning balai desa kanggo pidato bab perlune sumbangan kanggo rakyat Palestina ning Gaza sing lagi dikuyo-kuyo Israel -- ketemu Pak Wagu. Wong iku gumun weruh duwit sak besek sing arep di setor Romo Wage marang Panitia Solidaritas Palestina tingkat kecamatan sing sekretariate cedak kantor kecamatan.

Pak Wagu:

Ngopo tho ndadak nyumbang adoh-adoh ning Palestina. Mbok yo nyumbang wong-wong tangga desa sing kebanjiran wae. Ben wae do perang dewe, rak yo jagoku sing menang.

Romo Wage:

Wela, aku rak wis nyumbang korban banjir, wingi sore ning pertemuan Bapak-bapak. Malah sampeyan sing durung nyumbang korban banjir. Durung ana ning daftarku ki!.

Pak Wagu:

Lha aku rak wis nyumbang sarung tho!. Arepa wis suwek gedhi, rak yo isih iso dianggo basahan nek lagi adus tho?

Romo Wage:

Wooo iya aku kelingan. Nyuwun pangapuramu kang, lali aku menawa sampeyan sampun nyumbang sarung. Daftar sumbangan barang bekas sing nggawa dudu aku je, Pak Lurah sing nggawa. Aku saukur nggawa sumbangan barang anyar.

Ngertiya Kang Wagu! Aku nyumbang wong Palestina amarga mesakake lagi dipilara dening Israel kang diewangi Amerika. Uga amarga aku salut, hormat, lan muji marang kawanenane Pemerintahan Hamas mungsuh serdadu Israel. Ing atase gamane mung apa anane, ning iso dadi satria winibawa. Disegani lan diwedeni dening Israel lan Amerika. Dadi kelingan simbah-simbah mbiyen kang wani perang mungsuh serdadu Walanda lan serdadu Inggris sanajan gamane mung bambu runcing.

^_^

Liyo dina Pak Wagu teka ning ngomahe Romo Wage arep titip kunci omah karo pasrah ayam alas lan manuk kuthut kesayangane supaya dirumat Romo Wage. Pak Wagu arep lunga adoh tilik anak ragile sing lagi wae babaran ning Kalimantan.

Romo Wage;

Lha piye tho? Kok ndadak tilik barang? Rasah lungo adoh-adoh ning Kalimantan. Mbok tilik anakmu sing ning tangga desa wae. Dheweke rak minggu wingi bar kebanjiran tho?

Pak Wagu:
Wah sampeyan aja ngono tho. Kok njuk di balik balikke. Anak ragilku rak yo mesakake nek ora ana keluargane sing niliki. Kamangka bojone lagi tugas ning pedalaman. Mosok terus dinengke wae. Anakku sing kebanjiran ora perlu tak tiliki, wong wis kulino kebanjiran kok. Tur ya wis nelpon aku nek ora perlu tak tiliki.

Romo Wage:
Gene ki sampeyan yo ngerti prioritas? Kok isa-isane wingi ngomong ndadak adoh-adoh mbantu Palestina. Lha yo kudu di prioritaske dibantu wong lagi dianiaya dening penjajah. Ya kudu ana sing ngewangi. Paling orang menehi sandang, pangan lan obat-obatan ben iso urip normal kaya sedulur-sedulure ning Indonesia.

Pak Wagu:
Meneng wae

tags: blog bahasa jawa, blog basa jawa, cerkak

Pantun Idul Fitri Bahasa Jawa - Peribahasa

Mulad sarira hangrasa wani
Wani ngakoni kalemahan diri
Sugeng Riyadi Idul Fitri
Sadaya kelepatan nyuwun pangaksami
Taqabalallahu Minna Wa Minkum
Mugi amal ibadah kita sadaya katampi


Mumbul-mumbul kaya tajin
Akeh kepaitan tetep semangat
Ngaturaken sugeng riyadi
Nyuwun pangapunten sedaya lepat
Taqabalallahu Minna Wa Minkum
Mugi amal ibadah kita sadaya katampi

Tan mutung ing pasangan
Sanajan abot, aja ninggalake gawean
Sugeng riyadi lebaran
Ikhlasken luput kulo ampun disimpen
Taqabalallahu Minna Wa Minkum
Mugi amal ibadah kita sadaya katampi

Nandur pari jero
Manfaate kanggo anak putu
Luputku marang awakmu jero
Mangga dipendem nganggo pangapuramu
Taqabalallahu Minna Wa Minkum
Mugi amal ibadah kita sadaya katampi

Negara mawa tata, desa mawa cara
Tata krama agawe lancar ing kerja
Sugeng riyadi panjenengan sedaya
Kulo gadah lepat nyuwun pangapura
Taqabalallahu Minna Wa Minkum
Mugi amal ibadah kita sadaya katampi


Ngangsu banyu ing kranjang
Ilmu sithik miguna tanpa dilakoni
Luput kulo sak kranjang
Nyuwun diapura ing dina riyadi
Taqabalallahu Minna Wa Minkum
Mugi amal ibadah kita sadaya katampi


Nampel pulukan tan kena dilakoni
Ngrusak begjaning liyan amarga dengki
Alamat kanca dewe bakal mungsuhi
Sugeng riyadi Idul Fitri
Sedaya lepat nyuwun diampuni
Mugi dengki tan betah manggon ning ati
Taqabalallahu Minna Wa Minkum
Mugi amal ibadah kita sadaya katampi

Ngantuk ngadep padhiyan
Aja klenthir marang pujian
Sugeng hari lebaran
Nyuwun apunten sedaya kalepatan
Taqabalallahu Minna Wa Minkum
Mugi amal ibadah kita sadaya katampi

Dadi anak aja nggadho ati
Aja seneng nyusahke wong tuwo
Sugeng riyadi Idul Fitri
Nyuwun diapunten kalepatan kulo
Taqabalallahu Minna Wa Minkum
Mugi amal ibadah kita sadaya katampi

Ngeled eduk ing pinggir dalan,
Tumindak tanpa pendirian
sakderma manut omonge liyan
hasile bakal ora karu-karuan
Sugeng Riyadi kagem sampeyan
Nyuwun pangapunten sedaya kalepatan
Taqabalallahu Minna Wa Minkum
Mugi amal ibadah kita sadaya katampi


Ngundhuh wohing panggawe
Manungsa ngunduh pokale dewe
Luput kulo aja digape
Luwih sekeca sampeyan laleake
Taqabalallahu Minna Wa Minkum
Mugi amal ibadah kita sadaya katampi

Murwa sarira ing dina riyadi
Kedah dilengkapi dandaning ati
Dandan awak ing dina riyadi
Becik disarengi bagusing ati
Kawula haturken sugeng riyadi
Luput kula ampun dilebetken ati
Taqabalallahu Minna Wa Minkum
Mugi amal ibadah kita sadaya katampi

Bacaan:
Sutrisno Sastro Utomo, 2007, Kamus Lengkap Peribahasa Jawa – Indonesia, UII Press, Yogyakarta

tags: blog bahasa jawa, blog basa jawa, pantun idul fitri bahasa jawa

Piye Carane Nglebokke Jerapah Ning Kulkas?

Wingi sore acara pelatihan ning kantor pembicarane trainer sing mulang bab being the best (dadi sing paling apik). Aja dadi wong semenjana. Salah sawijining materi sing menarik yaiku cangkriman sing ditakoake si trainer.

Mungkin awake dewe wis tau krungu lan wis ngerti jawaban cangkriman sing jarene dikarang dening sawijining konsultan internasional. Nalika wingi sore cangkriman iku ditakoake -- ketoke ya sipilitik -- iso di bedhek karo peserta pelatihan. Sing pada njawab ethuk hadiah buku karangane si trainer.

Ana filosofi mranani ning njerone isi cangkriman, yaiku kautaman mikir kanti sederhana. Resep supaya iso njawab cangkriman, yaiku pikiran sing sederhana. Uga ana piwulang liyane, yaiku sesambungan antara cangkriman siji lan sijine, mratelaake anane sesambungan antara masalah siji lan masalah liyane kang diadepi manungsa.

Jarene naliko cangkriman ditakokke marang bocah-bocah cilik, sebagian cangkriman iso di jawab. Sebabe cah cilik pikirane isih sederhana, durung tau krungu informasi sing marakke pikirane rumit.

^_^

Apa tho isining cangkriman iku?

Cangkriman-1
Piye carane nglebokke jerapah ning kulkas?

Jawaban:
Dibukak lawange, dilebokke jerapahe, banjur lawange ditutup meneh. (persis ngajari bocah TK nyimpen jeruk ning jero kulkas ya?)

Cangkriman-2
Piye carane nglebokke gajah ning njero kulkas?

Jawaban:
Dibukak lawange, dithokke jerapahe, dilebokke gajahe, trus ditutup meneh lawange. (Ojo lali jerapahe dithokke ndisik, ndak suk-suk-an ning jero kulkas, terus malah pada gelut)

Cangkriman-3
Macan si rajaning alas nganaake konferensi kanggo kabeh kewan.
Kewan apa sing ora teka?

Jawaban:
Mesthine wae si gajah, amarga isih ndekem ning njero kulkas. (isih ana hubungane karo cangkriman-2)

Cangkriman-4
Piye carane nyabrang kali sing dianggo omah dening baya cacahe akeh benget?

Jawaban:
Ya garek nglangi, wong bayane lagi pada melu konferensi (Hehehe isih ana sesambungane karo cangkriman sakdurunge. Masalah-masalah sing mbendina awake dewe alami mungkin pada saling berhubungan. Terutama menawa masalah iku kerep awake dewe alami).

^_^

Si trainer uga ngetokke lelucon bedane suara sapi edan karo suara sapi normal. Lelucon iku wis tau tak rungokke nalika pelatihan tentang BSE (kira-kira semacam penyakit sapi edan), sing nglatih jenenge David Buckley, konsultan GMP (good manufacturing practice) ning kantorku. Ketoke lelucon iku saiki wis terkenal, ora mung dianggo dening trainer GMP farmasi lan pangan, nanging uga trainer ilmu-ilmu liyane (undil)

Puisi Ulang Tahun Bahasa Jawa

Detik terus mlaku
tan peduli sira sregep amal utawa ndeleya
Jam terus mlaku
tan peduli sira waspada utawa lena
Dina terus mlaku
tan peduli sira sregep ngabekti utawa duraka

Umurmu tansah tambah
ananging kadewasanmu ora mesti tambah
Amarga kadewasan iku pilihan
Amarga kadewasan iku butuh pangorbanan
Amarga kadewasan iku kahormatan

Slamet Ulang Tahun
Muga-muga tinambahe umurmu
dibarengi tinambahe becike atimu
lan mantepe kadewasanmu.


tags: blog bahasa jawa, blog basa jawa, puisi ulang tahun

Blog Bahasa Jawa: Zea Maysa lan Kucing Klawu

Zea Maysa kuwi bayi umur 4 sasi sing isane kur muni owek-owek. Ibune lagi sepisan iki nduwe bayi cilik, amarga Zea anak mbarep. Suwijing dino ana kucing anggora rupane klawu teka ning omahe Zea Maysa. Kucing klawu iku terus muni meong-meong mbuh apa karepe. Ndilalahe Zea Maysa kalebu bayi ajaib tenan, soale iso ngobrol karo kucing, basa-ne dhek-e meh pada karo basane kucing, dadine cah loro nyambung ngobrole.

“Owek-owek”

“Eow-Eow”

“Owek-owek”

“Eow Eow Eow”

Cah loro do ngobrol rame banget ngantek mbokne Zea Maysa gumun kok anakke nangis terus. Padahal sakjane lagi ngobrol karo kucing. Wis ditileki orang ngompol, ora eek. Dinehi nenen yo ara gelem. Lha wis piye to, mbokne dadine bingung, njuk zea maysa didelehke meneh ning box. Kucing klawu neruske ngobrole karo Zea.

“Yi, Bayi! aku ngeleh banget ki, nduwe iwak ora kowe?”

“Iwak ki sing kaya apa bentukke?”

“Kuwi lho, kewan sing awakke lonjong, sirahe luncup”

“Sirahe luncup? Sok mangap-mangap ning banyu kui po?”

“Hooh, sing sok mangap-mangap ning njero akuarium”

“Akuarium ki sing ono plupuk-plupukke kuwi pa?”

“Iyah, sing ana lampune padhing banget!. Trus piye ki, nduwe iwak ora?”

“Nduwe. Mau esok aku weruh Ibuku nduwe sak piring ning meja makan”

“Mbok aku njaluk!”

“Wah, aku ora iso njukukke je. Ngomong karo Ibuku ya ora iso. Ibuku radong karo basa-ku. Piye ya carane njukukke iwak kanggo kowe?”

“Ngene wae, kowe nangise diserok-ke bek di gendong meneh. Nangisa terus sing sero ngantek kowe digawa metu kamar. Trus nalika wis cedhak meja makan tanganmu kudu ngranggeh-ngranggeh iwak - - bek dijukukke”

“Nek wis dijukukke terus piye?”

“Ya thok tibakke ning ngarepku. Engko aku meong-meong ning ngisormu karo nyunduli sikile Ibumu”

“Wo ngono ya! Pinter tenan kowe kucing klawu!”

Kucing anggora kuwi mesam-mesem seneng banget diarani pinter karo Zea Maysa.



^_^

Kaya skenarione kucing klawu, Ibune Zea Maysa cepet-cepet nggendong Zea naliko krungu bayi kuwi nangis sero banget. Sarene anggone nangis ora meneng-meneng, banjur digawa mlaku-mlaku metu kamar ngantek tekan cedhak meja makan. Tangane Zea ngranggeh-ngranggeh iwak sing temumpang nduwur piring. Ibune tanggap, terus dijukukke siji, kanthi pangarep-ngarep anggone nangis meneng. Wasan iwak dicekel Zea, banjur ditibakke ning ngarepe kucing klawu. Ibune kaget, ning terus ngguyu kemekelen wasan weruh ana kucing sing nyantap iwake. Wah anakku pinter tenan, isih bayi wis iso makani kucing.

tags: blog bahasa jawa, blog basa jawa, cerkak, cerita pendek bahasa jawa

Kartu, Pantun & SMS Lebaran Bahasa Jawa

Ternyata menyusun kata-kata pada kartu lebaran dengan Boso Jowo (Basa Jawa) sulit yah!. Jauh lebih sulit dibanding membuat kata-kata pada kartu lebaran dalam Bahasa Indonesia. Mungkin karena saya jarang menggunakan Bahasa Jawa dalam bahasa tulisan dan jarang membaca tulisan-tulisan dalam Bahasa Jawa sehingga kosa kata yang saya miliki sangat terbatas.

Nah dibawah ini adalah hasil kerja keras itu – dengan modal pas-pasan -- mudah-mudahan bisa menjadi sumbangan bagi “dunia persilatan” kartu lebaran Bahasa Jawa. Hanya saja soal isi mungkin belum “cukup dalam”, jadi lebih banyak bermain dengan kata-kata. Juga jangan berharap banyak soal kesesuaian grammar dengan kaidah resmi boso jowo. Walaupun begitu saya berharap sajak-sajak ini dapat menghibur teman-teman.

^_^

Mlaku-mlaku ning Malioboro
Menawi sayah numpak becak luwih sekeca
Sugeng riyadi kagem panjenengan sedaya
Sagung kalepatan nyuwun diparingi pangapura

Gunung Merapi rupane biru
dicedaki dadi ijo wit-witan cemara
Menawi kula gadhah keliru
nyuwun agenging samudra pangapura

Numpak andhong ning Kotagedhe,
tuku ali-ali kagem eyang putri.
Bilih aku nduwe luput gedhe,
nyuwun kawelasan sampean ampuni.

Gunung Merapi, Gunung Merbabu,
tansah jejer kaya sedulur kembar
Aku sing wis tau nglaraake atimu
njaluk samudra pangapuramu kang jembar

Nagara tentrem amarga para satria pinandhita,
bengi shalat tahajud, awan sregep makarya.
Sugeng riyadi, sedaya kalepatan kula nyuwun pangapura
Latihan pasa sewulan mugi kita dados manungsa takwa

Srengenge Idul Fitri anggawa pangarep-arep,
silaturahim kanggo lantaran rumakete ati.
Kita sedaya caos pangapura kanthi mantep
nglaleake kalepatan liyan gawe tentreme ati

Ning gunung ketur tuku bolah,
kanggo ndodomi sajadahe simbah
Dudu salahmu sing gawe susah,
nafsu amarahku sing gawe bubrah.

Menek wit pelem ora kudu ahli,
jalaran duwure ranganti rong meter
Sugeng riyadi Idul Fitri,
donga-dinonga kita satya ning dalan bener

Udan-udan ngeyup ngisor wit gedhang,
wegah sangu payung amarga ngrepoti
Pangapura sampeyan kulo gadang-gadang
kita raketke pasederekan ing dina riyadi.

Bayi lahir mestine nangis,
gawe gila nek ngguyu mringis.
Lebaran sungkem wongtuwo ojo lali
kang ngrumat awakmu wiwit bayi

Gulu banyak dowi banget,
dianggo nyosor sikile cah nakal.
Salahku marang awakmu akeh banget
dina riyadi nyuwun salahku diparingi halal

Gudheg Wijilan kondang ning Jakarta
Gudheg areh rasane enak tenan
Kula caos sugeng hari raya
Nyuwun pangapunten sedaya kalepatan

Pitik kate rupane putih
Pitik alas rupane coklat
Idul Fitri ati manungsa bali putih
hawa-nafsu dikendali kanthi tobat

Pinggir ratan Imogiri dodol kupat lebaran,
mbiyen Pakdhe sing ngajari gawe nam-naman
Lebaran kesempatan golek tambahan
ora kudu ngentekke duwit celengan

Kulak klambi ning Beringharjo
kanggo di sade meneh ning ndesa
Lebaran kula tambah pametu artha
amarga warung akeh sing blanja

Gunung Imogiri papan rekreasi
sade selendang mbok menawa payu
Lebaran sedaya lepat nyuwun diampuni
mugi-mugi kita sedaya tansah rahayu

Dudu sanak dudu kadang
nek kepentung prayoga dicaosi pitulung
Lebaran kula sowan eyang
dosa kalangkung nyuwun diparingi ampun

Mbok Setro bakul tempe
gawe sehat wong sak erte
marga tempe akeh proteine
Lebaran ora kudu ganti hape
sing penting kendali diri ora nggape
hawa-nafsu sing nggugu karepe dewe

Gundul-gundul pacul maculi kalen
ngresiki sampah ben ora mbunteti ilen
Gawe bludrek menawi luputku di simpen,
langkung sekeca menawi kersa maringi pangapunten

Ing dina fitri punika
sampun lepas mantol kula
sampun mengkup payung kula
sampun ndaplang tangan kula
siap klebus diudani pangapura
saking ati andika ingkang sajembar samudra
sudi haparing hapunten sedaya kaluputan kula
Tan kena udan pangapura andika reda
sakdurunge nglunturake sakabehe dosa
Tan kena srengenge ngetokke sinarira
sakdurunge luput kula klentir ing banjir pangapura.

Macan tutul ngoyak menjangan,
pratanda hukum keseimbangan alam,
cacah menjangan disuda ben ora rebutan pangan.
Dina lebaran kula nyuwun kawelasan,
panjenengan ingkang kagungan ati jembar kaya lapangan,
sudi maringi kula pangapura tumrap sadaya kalepatan.

Naliko burung hantu pada dipulut,
tikus-tikus merajalela marga ora ana sing nyaut.
Dina lebaran kawula nyuwun hapus sedaya luput,
sakwise pasa mugi-mugi amalan kita mboten surut.

UNDIL-2007

Lek Surat Menek Wit Kambil

“Lek Surat menek wit kambil” ngendikane Bapak naliko weruh aku melu turu ning dipanku nyusul adhiku. Adhiku wis ndisiki mapan ning tempat tidure karo ngrungokke dongenge Bapak. Mesti wae adhiku ngguyu kemekelen -- amarga cerita “Lek Surat menek wit kambil” dudu dongeng saktenane.

Lek Surat kuwi jenenge wong sing kerep dikongkon Mbah Putri ngresikki kebone sing jembar karo ngopek kambil sing wis tuwo. Kanthi ngendhiko ngono -- ethok-ethokke dongenge Bapak isine kur nyeritakke Lek Surat lagi ngopek kambil. Dudu dongeng sing serem. Dudu dongeng sing lucu. Dudu dongeng Bandung Bondowoso sing ampuh mung sewengi iso nggawe candi cacahe sewu, utawa dongenge Abunawas lagi pinter-pinteran karo Harun Al Rasyid. Bar mbebeda aku, biasane Bapak terus nuthukke dongeng sing saktenane

^_^

Ngrungokke dongenge Bapak kalebu kesenenganku. Wis dadi adat saben ning keluargaku wiwit jaman mbiyen. Mungkin Bapak mbiyene sok di dongengke karo Simbah. Terus Simbah di dongengke karo Mbah Buyut. Terus Mbah Buyut di dongengke karo Mbah Cangggah. Adat saben sing manfaat dinggo nyeneng-nyenengke bocah-bocah kaya aku lan adhiku aku pendak arep mapan turu.

^_^

Lek Surat Menek Wit Kambil

Adalah kata-kata Ayah ketika saya bergabung dengan adik yang terlebih dahulu berbaring di tempat tidurnya --- sambil mendengarkan Ayah bercerita. Tentu saja adik tertawa cekikikan mendengar kata-kata dalam bahasa jawa itu, yang artinya “Paman Surat naik pohon kelapa”.

Paman Surat adalah nama panggilan seseorang yang biasa dipanggil Nenek untuk membersihkan kebunnya yang luas dan memetik kelapa yang telah masak. Kadang-kadang beliau dipanggil untuk mengganti genting rumah yang bocor. Dengan mengatakan itu seolah-olah cerita Ayah hanyalah tentang Paman Surat yang sedang memetik kelapa. Bukan cerita tentang hal-hal lain yang menarik. Bukan cerita tentang Bandung Bondowoso yang sanggup membangun seribu candi dalam semalam atau cerita tentang Abunawas yang beradu kecerdasan dengan Khalifah Harun Al Rasyid. Biasanya beberapa saat kemudian Ayah akan melanjutkan cerita yang sebenarnya.

^_^


Mendengar cerita dari Ayah adalah salah satu kesenangan saya menjelang tidur. Sebuah kebiasaan bertutur yang telah ada sejak lama. Mungkin Ayah dulunya juga sering di dongengin oleh kakek, dan kakek oleh kakek buyut, begitu seterusnya. Sebuah tradisi untuk menghibur anak-anak seperti saya dan adik saya menjelang tidur.

Tuku Rokok Ning Apotik

Mino lan Njingik bocah kelas telu SD. Lelungan numpak bis arep niliki Pakdhene.

Mino :
Rokok titipan Pakdhe endi yu?

Njingik :
Rasido tuku, lha tokone ora dodol rokok je!

Mino :
Le tuku nendi tho?

Njingik :
Ning apotik cedak pom bensin mau kae loh. Karo sisan tuku antimo je.

Mino :
La yo mesti raono. Wong golek rokok kok ning apotik. Aneh-aneh wae kowe yu

Njingik :
Anane mung apotik karo toko besi je. Mosok tuku rokok ning toko besi. Malah kewirangan aku. Dikiro cah bodo!




lelungan : bepergian
niliki :menengok
tuku : beli
kewirangan : malu


tags: blog bahasa jawa, blog basa jawa